Дебата на тема „Унапредување на правата на глувите и наглуви лица“ ќе се одржи денеска во Скопје, во организација на Интерпартиската парламентарна група за правата на лицата со попреченост (ИППГ) и организацијата ЗЕТА, во соработка со Сојузот на глуви и наглуви лица и здружението „ТИШИНА“ од Карпош.
Целта на настанот е гласот на глувите и наглуви лица да допре до носителите на одлуки и други организации за лица со попреченост, запознавајќи ги со актуелните состојби, предизвици и потреби на оваа група во Република Северна Македонија.
Оваа активност е дел од Акцискиот план на ИППГ, насочен кон постигнување поинклузивни и поефективни политики и согледување на состојбата на лице место, согласно обврските на Конвенцијата за правата на лицата со попреченост.
„Ќе ни претставува голема чест доколку нè удостоите со вашето присуство и заедно придонесеме за подобра иднина за оваа група граѓани“, соопштија организаторите.