Управниот одбор на ЗЕЛС (Заедница на единиците на локалната самоуправа) ја одржа својата трета седница во Охрид, каде домаќин беше градоначалникот Кирил Пецаков. На средбата, на која присуствуваа високи претставници на локалната власт, беше донесена одлука седниците на УО да се одржуваат ротирачки низ општините во Македонија, со цел да се биде поблиску до граѓаните и теренските предизвици.
Денес, во Охрид, каде домаќин е градоначалникот Кирил Пецаков, ја одржавме третата седница на Управниот одбор на ЗЕЛС. Оваа пракса ќе продолжи и во иднина, со цел седниците да се одржуваат низ општините во Македонија, поблиску до граѓаните и локалните предизвици, соопшти Орце Ѓорѓиевски.
Ѓорѓиевски посочи дека на седницата биле донесени значајни одлуки, а особено охрабрувачки е фактот што, според завршната сметка, ЗЕЛС е во позитива и бележи поуспешна година од претходната, благодарение на зголемената наплата на членарината.
„Посветено работиме и ќе продолжиме да работиме на унапредување на локалната самоуправа како еден од клучните двигатели на развојот на Македонија.
Со силна поддршка од Владата и со заеднички напори, уверен сум дека ќе изградиме стабилни и ефикасни општини, со кои сите ќе се гордееме.
Односот што оваа Влада го гради кон општините и ЗЕЛС влева нова надеж дека конечно ќе направиме исчекор напред кон имплементација на посакуваните европски стандарди, за што изразуваме благодарност до Премиерот Hristijan Mickoski“, истакна Ѓорѓиевски.