Министерството за буџет на Франција ќе користи алатки за вештачка интелигенција за тестирање на безбедносната ранливост во државните агенции, објави денеска министерот Давид Амиел. Тој потег следува по откривањето голем хакерски напад врз државната даночна администрација минатата недела.
Министерството за финансии потврди минатиот четврток дека податоците за речиси 700.000 даночни обврзници биле компромитирани во кибернапад.
Во меѓувреме, директорката на француската даночна администрација, Амели Вердие, објави дека нејзините служби откриле уште еден упад во системот вчера. Таа исто така рече дека обемот на нападот се уште се проценува.