Владина делегација во состав Александар Николоски, заменик-претседател на Владата и министер за транспорт и врски, Тимчо Муцунски, министер за надворешни работи и надворешна трговија, Зоран Љутков, министер за култура и туризам; Муамет Хоџа, министер за животна средина и просторно планирање; како и градоначалниците на Општина Охрид и Општина Струга, Кирил Пецаков и Менди Ќира, вчера и денес престојуваа во работна посета на Париз, каде остварија средби со високи претставници на УНЕСКО.
На средбите со генералниот директор на УНЕСКО, Калед Ел-Енани, претседателот на 43-та Генерална конференција на УНЕСКО, Конгкер Мохамад Талха, и претседателот на Извршниот одбор на УНЕСКО, Насер бин Хамад Ал Хинзаб, беше разговарано за значењето на УНЕСКО во современиот свет како единствена мултилатерална организација што промовира дијалог и меѓународна соработка во областите на образованието, науката, културата и комуникациите.
Во фокусот на разговорите беше состојбата на Охридскиот Регион како природно и културно светско наследство, при што беше нагласена важноста од континуирана и навремена имплементација на препораките за заштита, со цел зачувување на неговиот статус на Листата на светско наследство.
За време на средбите беше потврдена определбата на државата за спроведување на преземените обврски за заштита на Охридскиот Регион, како и подготвеноста за продолжување на соработката со Република Албанија во рамки на постојните механизми, со цел обезбедување долгорочна и одржлива заштита на регионот.
- Млада Србинка пријави хорор во изнајмен стан во Скопје
- Калас децидна: Европа не учествува во војната во Иран
- По цели 25 години, десницата во обединување да го освои Париз
- Ѕвездите ве советуваат како да го изберете идеалниот партнер за вашиот хороскопски знак
- Белата куќа потврди: Трамп и Си ќе се сретнат, но терминот „виси“ поради светската криза
- Политички потрес во Бања Лука: Премиерот на Република Српска, Саво Миниќ, поднесе оставка
- Филмот „Една битка по друга“ брилираше на Оскарите
- Енергетски крах во Куба: Целиот остров остана без струја, прогласена вонредна состојба

