Вистински хорор се одвивал утрово во скопската населба Кисела Вода кога околу 5 часот наутро избувнал пожар пред влез на зграда.
Според податоците на МКД.МК, пожарот настанал откако се запалила електрична инсталација пред зграда на Трим и Лум. Станарите биле разбудени од полицијата, како и од силни детонации и звуци кои, како што велат, потсетувале на експлозии и се слушале дури до повисоките катови на зградата, а силен чад го исполнил влезот за неколку минути.
Семејства со мали деца и бебиња во раце трчале по скалите за да се спасат од чадот и огнот. Дел од нив излегле надвор боси и облечени само во пижами, без време да земат лични работи или документи.
„Беше како сцена од хорор филм. Се слушаа удари како бомби. Луѓето панично излегуваа од становите, не знаејќи што се случува. Многу беше страшно, преживеавме огромен стрес“, раскажувале вознемирени станари за МКД.мк.