Close Menu

    (ВИДЕО) Трагедија го потресе светот: Четири лица зачинаа во силна експлозија во воена фабрика

    1 Min Read
    ФОТО: Принтскрин

    Четири лица загинаа, а уште две се повредени во силна експлозија што денеска ја потресе фабрика за воена и воздухопловна опрема во Јужна Кореја, соопштија локалните власти.

    Несреќата се случила во фабриката на компанијата Hanwha Aerospace во градот Теџон, околу 10:59 часот по локално време.

    Над комплексот се издигнал густ чад што бил видлив и надвор од фабричката зона.

    Според првичните информации, експлозијата се случила на првиот кат од објектот, по што на местото веднаш биле испратени противпожарни служби, спасувачки екипи и други надлежни институции.

    Јужнокорејскиот премиер Ким Мин Сеок наредил целосна мобилизација на расположливата механизација, опрема и персонал за спасувачките операции.

    Оваа наредба е донесена поради стравувањата дека може да има дополнителни жртви или лица заробени во објектот.

    Во акцијата за справување со последиците се вклучени пожарникари, полиција, локални власти и повеќе државни служби задолжени за безбедност и управување со кризни ситуации.

    Надлежните институции ќе започнат истрага за утврдување на причините што довеле до експлозијата откако пожарот целосно ќе биде ставен под контрола.