ВМРО-ДПМНЕ се заблагодарува за излезеноста и за искористувањето на демократското право за гласање на овие избори!, изјави на прес-конференција Валентин Манасиевски од ВМРО-ДПМНЕ.
„Правото на избор е демократски загарантирано право, со кое секој од вас одлучува за својата иднина и за иднината на Македонија.
Во однос на информациите од ДИК излезеноста до 15ч е 31,33%! Благодариме на сите кои досега излеговте да гласате.
Денот поминува во фер, мирна и демократска атмосфера без никакви посериозни проблеми и очекуваме одличен резултат на локалните избори. Народот сака да одиме напред, а наша обврска е да ја оправдаме довербата која вие ни ја давате.
Ги повикуваме граѓаните до завршување на изборниот процес, масовно да го искористат своето право на глас, да излезат и да гласаат. Воедно, им се заблагодаруваме на сите граѓани кои што досега го искористија своето право за глас.
Да се заблагодариме и на сите оние коишто го водат овој изборен процес на едно високо ниво, без никакви проблеми, демократски и како што доликува на една држава кандидат за членство во ЕУ.
Продолжуваме посветено, чесно и со почит кон довербата дадена за вистинскиот избор.
Во текот на следните часови очекувајте повторно да излеземе со нови информации токму тука од седиштето на ВМРО-ДПМНЕ“, додаде Манасиевски.