Кандидатот за градоначалник на општина Карпош и актуелен градоначалник, Стечво Јакимовски, објави видео во кое присуствува на замена на стара водоводна линија во Влае со нова.
„Во Влае се заменува една од најстарите водоводни линии, поставена уште во шеесеттите години. Цевки што со децении минуваа под куќи и дворови, сега се заменуваат со нова, безбедна и трајна водоводна мрежа.
Ова не е само обична интервенција – ова е сериозна инвестиција во секој дом, во сигурноста и квалитетот на живот на жителите на Влае. Наместо ризик од пукнати цевки и поплави, Влае добива сигурно и стабилно водоснабдување, какво што заслужува.
Работиме по план, прецизно и без задоцнување. Карпош не се гради само над земја – се гради и под неа, со вистински инфраструктурни решенија што траат.
Браво за мајсторите и инженерите кои ја спроведуваат оваа инвестиција — без врева, без политика, со многу работа и посветеност.“ – пишува во објавата на Јакимовски.