Голем пожар денеска избувна во околината на Штип, каде огнената стихија зафати помошни објекти и вегетација. Најдраматичните моменти се забележани при обидите да се евакуира добитокот кој бил загрозен од пламенот.
На објавените видео-снимки се гледа како мештаните и сопствениците, во паника и под густ чад, панично ги извлекуваат козите и јарињата од зафатените штали за да ги спасат од сигурна смрт.
Екипите на Територијалната противпожарна единица од Штип веднаш излегле на терен за да го локализираат огнот и да спречат негово дополнително ширење кон станбени објекти. Причините за пожарот и материјалната штета допрва ќе се утврдуваат.