Градоначалникот Орце Ѓорѓиевски изврши целосен обиколка на теренот, придружуван од директорите на јавните претпријатија и вработените во градските сектори. Целта на оваа акција, како што наведува, е директно детектирање на тековните проблеми со кои се соочуваат граѓаните, со цел нивно итно решавање.
Според Ѓорѓиевски, пристапот кон работата мора да биде темелен, со прецизни рокови и јасна одговорност за секој сегмент.
„Работата на терен е мојата природна средина, таму каде што сум најблиску до луѓето, меѓу мојот народ. Заедно со директорите на јавните претпријатија и вработените во секторите на градот, ја обиколивме целата територија за да се детектира секој проблем, па дури и најмалата ситница и да се пристапи кон негово решавање веднаш, со конкретен рок и одговорност“, истакна тој.
Тој додаде дека ваквиот начин на работа ќе биде континуиран, нагласувајќи дека граѓаните заслужуваат уредна и функционална животна средина.