Возило со скопски регистарски таблички заврши во плиткото на Егејското Море, предизвикувајќи бројни реакции кај корисниците на социјалните мрежи.
Информацијата и видеото од настанот ги објави страницата „Пат до Грчка – Патување во Грција“, која на хумористичен начин ја прокоментира незгодата со скопското Волво.
„Кога твојот автомобил толку многу ја сака Грција што сам плива!“, наведуваат од страницата во описот на објавата.
Причините поради кои автомобилот се нашол во водата засега не се познати, а нема ниту официјални детали за евентуална интервенција за негово извлекување од морето.