Ведрана Рудан почина на 76-годишна возраст, а нејзиниот живот го одбележа тешко детство, за кое своевремено отворено зборуваше.
За односот со својот татко, кој бил голема пречка во нејзиното растење, Рудан без воздржување раскажувала:
„Се обидов да му пресудам но не успеав. Тој ме фати, јас имав 21 година, дипломирав и работев. Бев нормална жена. Тогаш се носеа мини-здолништа, а преку ноќ во мода дојдоа макси-здолништата. Како и секоја млада девојка, ја следев модата. Го фрлив мини-здолништето и облеков макси“, раскажувала Рудан за морничавиот настан.
„Потоа тој влезе во нашата кујна, простачки ме одмери и ми рече: ‘Вчера беше курва, а денес си калуѓерка, одлучи се’. Јас му одговорив: ‘Не сер*’. Тоа беше првпат во животот да му се развикам на татко ми. Дивјакот ми го коментираше здолништето што сама си го купив. Тогаш ми пријде, ме зграпчи за облеката и ме фрли во стаклен шкаф. Целата бев во крв и стакло. Мајка ми се тресеше. Во тој момент зедов шерпа полна со гулаш и му ја фрлив во глава. Некако се оддалечи, целиот беше во крв, а мајка ми за малку ќе умреше.
Потоа мајка ми го однесе на лекар, му ги сошиле раните, а потоа тој се вратил во својата кафеана и ѝ рекол на келнерката дека сум сакала да го убијам. Келнерката тогаш му одговорила: ‘А што чекаше досега?’. Тогаш си заминав од дома со намера никогаш повеќе да не се вратам“, раскажала своевремено Ведрана.
Таа навела и дека смртта на татко ѝ не ја погодила и дека во ниту еден момент не почувствувала тага поради неговото заминување.
„Кога ми умре татко ми, си реков: барем пушти една солза. И навистина извлеков една, две, три солзи од себе. Тогаш си реков: ‘Тоа ѓубре толку зло ти направи, какви солзи? Остави го татко ти на мира’“, рекла писателката, истакнувајќи дека имала исклучително тешко детство.