Најголемото основно училиште во Штип, „Ванчо Прќе“, утринава е затворено за повеќе од 1.100 ученици по сериозен вандалски чин што се случил во текот на ноќта. Објектот претрпел значителна материјална штета, поради што образовниот процес е целосно парализиран.
Управата на училиштето веднаш реагираше и преку социјалните мрежи ги информираше семејствата на учениците за вонредната состојба.
„Ги известуваме сите родители дека денес нема наставата во училиштето поради оправдани причини.“
Екипи на полицијата се веќе на терен и вршат детален увид во просториите на училиштето. Првичните проценки говорат за големо оштетување на инвентарот и внатрешноста на зградата.
Надлежните институции најавуваат дека по завршување на истрагата ќе излезат со детали за мотивите и за тоа кој стои зад овој инцидент. Се очекува во текот на денот да биде објавена и вкупната проценета штета.