Министерството за внатрешни работи (МВР) ги известува граѓаните, особено возачите во главниот град, дека оваа недела (22 март) ќе биде воведен посебен сообраќаен режим поради одржување на атлетска улична трка.
Настанот ќе се одвива во претпладневните часови, во периодот од 07:30 до 11:30 часот, а стартно-целната позиција ќе биде лоцирана на булеварот „Јане Сандански“.
За непречено и безбедно одвивање на трката, Единицата за безбедност на патниот сообраќај ќе затвори и пренасочи дел од сообраќајниците. Натпреварувачите ќе се движат по следната траса:
- Бул. „Јане Сандански“: На потегот од крстосницата со бул. „Србија“ и бул. „Видое Смилевски Бато“, сè до крстосницата со ул. „Владимир Комаров“.
- Ул. „Васко Карангелевски“: На потегот од крстосницата со бул. „Јане Сандански“ до крстосницата со бул.„АСНОМ“.
- Бул. „АСНОМ“: На потегот од крстосницата со бул. „Киро Глигоров“ и бул. „Србија“, заклучно до крстосницата со ул. „Васко Каранѓелевски“.
Во овој период, сообраќајот ќе биде пренасочуван по околните алтернативни улици. Од МВР упатуваат силен апел до сите учесници во сообраќајот да имаат трпение и строго да ги почитуваат наредбите и насоките кои ќе ги издаваат полициските службеници на терен.