Поради планирани технички зафати во електросистемот, утре (среда) делови од општините Кисела Вода и Шуто Оризари ќе останат без напојување со електрична енергија.
Од ЕВН Македонија, информираат дека во Драчево прекинот ќе трае од 08:30 до 14:30 часот. Во овој период без струја ќе бидат корисниците од дел од улицата „Јустинијан Први“.
Истовремено, планиран е прекин и во општина Шуто Оризари кој ќе започне во 08:30 часот, а се очекува да заврши до 16:00 часот.
Без електрична енергија ќе останат дел од корисниците на улиците „Пелагонија“, „Брсјачка Буна“ и „Индира Ганди“.
Од надлежните служби посочуваат дека прекините се со цел подобрување на квалитетот на мрежата во овие региони.