Поради планирани технички зафати во дистрибутивната мрежа, жители од скопските општини Аеродром и Чаир утре (11 ноември) привремено ќе останат без снабдување со електрична енергија.
Според добиените информации од надлежните служби, во општина Аеродром прекин ќе има на улицата „Тодор Чангов“ кај бројот 49, во период од 08:00 до 15:30 часот.
Во исто време, во општина Чаир без струја ќе останат корисниците од дел од булеварот „Македонско-косовска бригада“ и улицата „Методија Митевски“. Прекинот на оваа локација е планиран во периодот од 08:30 до 11:15 часот.
Исклучувањето во Чаир се врши поради планирани интервенции во трафостаницата „Топаанско Поле 11“, односно активности за чистење, долевање масло во кабловските глави и проверка на расклопната опрема.
По завршувањето на планираните технички работи, снабдувањето со електрична енергија ќе биде нормализирано.