Мобилен телефон во сопственост на вработена во здравствена установа бил украден среде бел ден од просторија во ЈЗУ „Општа болница“ Гевгелија.
Дрскиот апашлук се случил во утринските часови кога сторителот ја искористил невнимателноста и влегол во внатрешните болнички простории наменети за медицинскиот персонал. таму го лоцирал телефонот и веднаш побегнал од местото на настанот.
Полициските службеници брзо ја расветлија кражбата и од слобода ја лишија 45-годишната М.П. од Богданци. Насоките од ОЈО Гевгелија беа веднаш активирани, а приведената жена во службен разговор во станица целосно го признала делото пред инспекторите.
Украдениот телефон бил пронајден кај неа и веднаш одземен, по што полицијата ќе ѝ го врати на оштетената здравствена работничка. Против натрапничката ќе биде поднесена соодветна кривична пријава по целосно документирање на случајот.