Највисока температура во 14:00 часот е измерена во Гевгелија, каде што живата на термометарот достигна 36.7 степени, соопшти Управата за хидрометеоролошки работи (УХМР).
Веднаш по Гевгелија, меѓу најтоплите градови во земјава се Демир Капија со 35.3 степени и Кавадарци со 34.2 степени.
Во Струмица се измерени 33.9 степени, додека во Скопје (на мерната станица Зајчев Рид) температурата достигна 33.2 степени, а во Скопје-Петровец 33 степени.
Слична температура од 33 степени е евидентирана и во Прилеп.
Во Битола и Штип во 14 часот се измерени 32.6 степени, во Виница 32.4, во Тополчани 32.2, а во Тетово 32.1 степен.
Температури над 30 степени се измерени и во Претор (31.2), Куманово (30.9) и Крива Паланка (30.1 степен).
Под границата од 30 степени се Крушево со 29.6, Охрид со 29.4, Берово со 28.8, Пожаране со 28.2, Радовиш со 28.1 и Ѓуриште со 27.9 степени.
Најсвежо во 14 часот било во планинските места – во Маврови Анови се измерени 27.2 степени, а најниска температура е евидентирана на Попова Шапка, каде што се измерени 21.1 степен.
За мерната станица во Велес во ова мерење нема достапни податоци.