Маврови Анови и Лазарополе со само 4 степени утрово беа најстудените места во земјава, додека вистинско пролетно утро дочекаа жителите на Гевгелија, каде се измерени 17 степени.
Управата за хидрометеоролошки работи (УХМР) ги објави утринските температури за цела Македонија:
- 4 степени: Маврови Анови, Лазарополе
- 5 степени: Попова Шапка
- 6 степени: Берово
- 7 степени: Охрид, Крива Паланка
- 8 степени: Битола, Крушево, Претор
- 9 степени: Тетово
- 10 степени: Прилеп, Демир Капија, Виница
- 11 степени: Скопје (Петровец), Штип
- 12 степени: Струмица
- 13 степени: Велес, Куманово, Кавадарци
- 16 степени: Скопје (Зајчев Рид)
- 17 степени: Гевгелија
Какво време ни носи денот?
Времето денеска ќе биде променливо облачно со сончеви периоди, но во одредени места ќе има појава на слаб локален дожд.
Предупредување за попладне: Во југоисточните делови од земјата времето ќе биде нестабилно. Се очекуваат услови за појава на ретки грмежи и пороен дожд.
Дополнително, денеска ќе дува умерен, а долж Повардарието засилен ветер од северен правец, чија брзина ќе надминува 50 километри на час. Максималната температура во земјава ќе се движи во интервал од 20 до 30 степени.
Временска прогноза за Скопје
Во главниот град нè очекува променливо облачно време со сончеви периоди. Во делови од скопската котлина ќе дува умерен до повремено засилен ветер од северен правец. Максималната температура во Скопје ќе достигне до 26 степени.