Управата за хидрометеоролошки работи (УХМР) ги објави најновите мерења за температурите и количината на врнежи во изминатите 9 часа.
Според податоците измерени во 16 часот (15 UTC), најниска температура е регистрирана на Попова Шапка од 0.3°C, каде што е измерена и најниската максимална дневна температура од 1.8°C.
Следат Маврови Анови со 2.8°C, Ѓуриште со 4.0°C, Лазарополе со 4.2°C и Крушево со 5.2°C.
Најтопло во 16 часот било во Гевгелија со измерени 11.1°C и Струмица со 10.9°C, каде се регистрирани и највисоките дневни температури во државата, односно 15.9°C во Гевгелија и 15.3°C во Струмица.
Во главниот град, на мерната станица Зајчев Рид се измерени 7.7°C со максимални 9.5°C, додека во Скопје-Петровец температурата изнесувала 9.0°C, а максималната достигнала 10.4°C.
Во однос на врнежите, во изминатите 9 часа најголемо количество воден талог е измерено во Ѓуриште – 18.7 l/m².
Поголема количина на врнежи е регистрирана и во Кавадарци (12.0 l/m²), Попова Шапка (8.9 l/m²), Велес и Виница (по 8.8 l/m²), Битола (7.9 l/m²) и Крива Паланка (7.8 l/m²).
Најмалку дожд во изминатиот деветчасовен период паднал во Охрид (1.6 l/m²), Скопје-Петровец (2.0 l/m²) и Тополчани (2.3 l/m²).