Три лица од кривопаланечкото село Нерав се хоспитализирани во Скопје откако вчера нивниот дом бил зафатен од пламен. Во пожарот кој избувнал во домот на А.П. (52), настрадале тој, 34-годишниот Д.П. и 89-годишниот С.П. Сите се пренесени во скопскиот Клинички центар „Мајка Тереза“.
Пожарникарите од Крива Паланка успеале да го локализираат и изгаснат огнот, но материјалната штета и причините допрва ќе се утврдуваат со увидот кој е закажан за денеска.