Потпретседателката на СДСМ, Јована Тренчевска, денеска упати остри критики до Владата на Христијан Мицкоски, обвинувајќи ја за неспособност и доцнење со мерките против поскапувањата. Според Тренчевска, додека цените на лебот, месото и млечните производи растат пред празниците, Владата нуди само апсурдни изговори.
Тренчевска посочи на контрадикторност во изјавите на власта – од една страна се тврди дека сме „трета економија во Европа“, а од друга се вели дека буџетот губи по еден милион евра дневно.
„Ако губиме милион дневно, зошто Мицкоски ги повикува граѓаните од соседните земји да точат гориво кај нас? Граѓани на Македонија, вие го спонзорирате точењето гориво на вашите соседи!“, истакна Тренчевска.
СДСМ побара итна поддршка на нивните четири законски решенија, кои вклучуваат 0% ДДВ за храната, помали акцизи и преполовување на патарините.