Американскиот претседател Доналд Трамп изјави дека цените на нафтата и енергенсите значително ќе паднат по завршувањето на конфликтот со Иран.
Тој ги изнесе своите предвидувања за трендот на цените на горивата преку порака на социјалната мрежа Truth Social.
„Цените на нафтата ќе паднат, како и се друго, но уште повеќе кога ќе ја добиеме војната против Иран. Ќе биде 3 долари за галон, но на крајот ќе биде под 2 долари за галон. Се ќе се случи брзо, а Иран никогаш нема да има нуклеарно оружје“, наведе Трамп во својата објава.
Актуелните статистички податоци во САД покажуваат дека дизел горивото во моментов се продава по просечна цена од 4,15 долари за галон.
Највисоки цени на горивата на американскиот пазар се бележат во сојузната држава Калифорнија, каде што просекот изнесува 5,86 долари за галон.