Тела на едно машко и две женски лица се пронајдени во превртен „мерцедес“ на патот ГП Блаце-Скопје.
Возилото е пронајдено вечерва, но претходно во попладневните часови тројцата загинати биле пријавени за исчезнати од државјанин на Косово.
-Во неделата во 22:35 часот во СВР Скопје е пријавено дека на патот ГП Блаце-Скопје има превртено возило “мерцедес” со германски национални ознаки. Веднаш се упатени полициски службеници на местото на настанот и утврдено е дека во возилото има три починати лица ( едно машко и две женски лица). Смрт констатирал лекар од Итна медицинска помош. Претходно, во 13:40 часот во ПС Бит Пззар, државјанин на Косово пријави дека три лица се исчезнати, а последен контакт имал со нив на 18.07.2026 околу 22:15 часот, кога тие биле на аеродромот во Скопје, велат од Министерство за внатрешни работи.