УХМР ги објави температурите низ Македонија во 11 часот претпладне. Според мерењата, живата на термометарот на многу места е веќе над 30 степени.
Најтопло е во Демир Капија каде се измерени 33 степени, додека Попова Шапка со 19 степени е местото каде има најниска температура во 11 часот.
Во Скопје живата на термометарот покажа 31 степени.
Денеска ќе преовладува сончево и многу топло време, со мала до умерена локална облачност. Во попладневните часови наместа ќе има услови за изолирана нестабилност, проследена со краткотраен пороен дожд и грмежи. Ќе дува слаб до умерен ветер од северен правец.
Минималните температури ќе се движат од 14 до 24 степени, додека максималните ќе достигнат од 32 до 40 степени.
Во Скопје ќе биде сончево и многу топло, со мала до умерена облачност и слаб до умерен северен ветер. Утринската температура ќе се спушти до 22 степени, а дневната ќе достигне до 40 степени.
И во наредните денови продолжува периодот на сончево и многу топло време, со мала до умерена локална облачност. На места температурите ќе достигнуваат до 40 степени, а високите температури ќе се задржат и во текот на ноќта.
Во четврток и петок се очекува зголемување на нестабилноста, со услови за појава на пороен дожд и грмежи.