Во Собранието денеска ќе се одржи 127. пленарна седница, на чиј дневен ред се пратеничките прашања упатени до претседателот на Владата и министрите.
Согласно утврдената практика, седницата за пратенички прашања се одржува секој последен четврток во месецот. Прашањата први ги поставуваат пратениците од опозициските партии.
Во рамки на денешните активности, претседателот на Собранието, Африм Гаши, ќе одржи и неформална средба со претставници на медиумите. На средбата ќе се разговара за тековните активности, како и за идните планови на законодавниот дом.