УХМР ги измери температурите во градовите низ Македонија во осум часот. За денеска кога се најавуваат дневни максимални температури до 39 степени, во осум часот најсвежо е на Попова Шапка, Маврови Анови, во Берово и Крива Паланка со 19 степени.
Најтопло е во Гевгелија и Кавадарци со 25 степени, по што следат Струмица и Крушево со 23.
Во Скопје во осум часот се измерени 22 степени.
Од УХМР за денеска најавуваат сончево и топло време со мала до умерена локална облачност. Ќе дува слаб до умерен ветер од северен правец. Попладне ќе има услови за изолирана појава на нестабилност со пороен дожд и грмежи.
Минималната температура ќе биде во интервал од 10 до 21, а максималната ќе достигне од 32 до 39 Целзиусови степени.
Во Скопје, сончево со мала до умерена облачност. Ќе дува слаб до умерен ветер од северен правец. Попладне во делови од котлината ќе има услови за изолирана појава на нестабилност со пороен дожд и грмежи.
Минималната температура ќе се спушти до 18, а максималната ќе достигне до 37 степени.