Жител на тетовското село Волковија пријавил во полиција дека неговиот бик бил повреден со воздушна пушка.
Според информациите од МВР, случајот бил пријавен на 24 август во 12:45 часот во СВР Тетово. Станува збор за 59-годишниот Б.П. од Волковија, кој пријавил дека на неговото домашно животно му биле нанесени повреди од воздушна пушка.
Полициска екипа извршила увид на местото, а се преземаат мерки за расчистување на случајот и за утврдување на лицето кое го повредило животното.
Засега нема информации за осомничен, ниту за околностите под кои бил застрелан бикот.