Педесет и седумгодишен жител на тетовското село Жилче е приведен по пријава за пукање со огнено оружје во двор на викенд-куќа.
Според информациите од МВР, полициски службеници од СВР Тетово синоќа во 23:40 часот го лишиле од слобода К.Д. (57).
При преземените мерки, во дворот на викенд-куќата биле затекнати четири лица, а кај приведениот биле пронајдени два пиштоли и поголема количина куршуми.
Полицијата во дворот констатирала и траги од истрели.
При извршената проверка, кај К.Д. биле измерени 1,63 промили алкохол во крвта.
По целосно документирање на случајот, против него ќе биде поднесена соодветна пријава.