На 2 август 2026 година, околу 15:40 часот, во СВР Скопје било пријавено дека на крстосницата меѓу булеварот „Гоце Делчев“ и улицата „Филип Втори Македонски“ се случила сообраќајна незгода меѓу две патнички возила.
Во несреќата учествувале автомобил „Опел“ со скопски регистарски ознаки, управуван од П.Б. (62) од Скопје, и автомобил „Фолксваген Шаран“ со швајцарски регистарски ознаки, управуван од М.Ј. (41) од Скопје.
При незгодата, тешки телесни повреди здобил С.Р. (38) од Скопје, додека со телесни повреди се здобил Д.Р. (40) од Скопје. Двајцата биле сопатници во возилото „Фолксваген Шаран“, а повредите им биле констатирани во ЈЗУ „Св. Наум Охридски“.
Увид на местото на несреќата извршила увидна екипа од СВР Скопје.