На 3 октомври, во 22:10 часот, во ОВР Гостивар било пријавено дека на раскрсницата меѓу улиците „Кеј Вардар“ и „Тоде Богдановски“ се случила сообраќајна несреќа во која учествувале три патнички возила и едно паркирано возило.
Во несреќата учествувале два автомобили „голф“, управувани од 18-годишниот Е.Р. и 19-годишниот Б.А., автомобил „БМВ“, управуван од 25-годишниот М.М., како и паркиран „пасат“, сопственост на 54-годишниот Е.С. Сите се жители на Гостивар.
Во сообраќајката со тешки телесни повреди се здобиле двајца 14-годишни сопатници. По укажаната медицинска помош во Ургентниот центар во Гостивар, тие биле пренесени во Комплексот клиники „Мајка Тереза“ во Скопје.
Со телесни повреди се здобиле и возачите Б.А. и Е.Р., како и сопатниците А.С. и Б.Л.
Увид на местото на несреќата извршила екипа на ОВР Гостивар.