На 15 март 2026 година, околу 03:48 часот, во Полициската станица Струмица било пријавено дека на регионалниот пат 1105, во близина на Граничниот премин „Дојран“, се случила сообраќајна несреќа во која патничко возило излетало од коловозот.
Според информациите, автомобил „фиат“ со скопски регистарски таблички, управуван од Г.А. (55) од Нов Дојран, излетал надвор од патот. Во несреќата возачот се здобил со тешки телесни повреди.
Повредите биле констатирани во Медицинскиот центар во Гевгелија, каде што му била укажана лекарска помош.
За настанот бил известен јавен обвинител од Основното јавно обвинителство Гевгелија, а увид на местото на несреќата извршила екипа од Полициската станица Гевгелија.