Пет лица се повредени во сообраќајна несреќа во која учествувале три возила, а која вчера попладне се случила на излезот од Прилеп, на патниот правец кон Битола, потврдија од Министерството за внатрешни работи.
Повредените се пренесени и хоспитализирани во Градската болница „Борка Талески“ во Прилеп.
Според информациите од МВР, поради несреќата од 15:45 часот бил во прекин сообраќајот во двата правци на патот Прилеп – Битола.
„Во сообраќајната незгода учествувале три возила, при што пет лица се здобиле со повреди и се пренесени во Градската болница ‘Борка Талески’ во Прилеп. Од 16:40 часот сообраќајот се регулираше наизменично по една сообраќајна лента со физичко регулирање“, информира од МВР.