Жител на селото Марена се здобил со тешки телесни повреди додека ги извршувал своите работни задачи во фабрика во Кавадарци. Инцидентот бил пријавен вчера во Општинската општа болница, каде 59-годишниот З.А. бил донесен на укажување лекарска помош.
Од Секторот за внатрешни работи – Велес денеска ги потврдија деталите за случајот, нагласувајќи дека полициските службеници веднаш излегле на терен по добиената пријава од здравствената установа. За случајот се известени и надлежните инспекциски служби кои треба да ги утврдат причините за несреќата.
„Вчера во 11 часот во ОВР – Кавадарци било пријавено дека во кавадаречката Општа болница со тешка телесна повреда бил донесен З.А., на возраст од 59 години. Според пријавеното, тој се здобил со повредата при извршување работни задачи во фабрика во Кавадарци. За настанот известен бил трудов инспектор“, појаснија од СВР – Велес.