Министерот за надворешни работи и надворешна трговија, Тимчо Муцунски, вчера попладне оствари телефонски разговор со државниот министер за надворешни работи на Државата Катар, Султан бин Саад Ал Мураихи.
– Во разговорот, министерот Муцунски го осуди отворениот ирански напад врз територијата на Катар, оценувајќи го како сериозна повреда на меѓународното право, вклучително и на принципите за државен суверенитет и територијален интегритет. Тој изрази цврста солидарност и поддршка за Катар, потврдувајќи ја поддршката за мерките и одлуките преземени за заштита на безбедноста и стабилноста на државата, соопшти Министерството за надворешни работи и надворешна трговија.
Во соопштението се наведува дека Муцунски нагласил оти во услови на зголемени регионални тензии се неопходни воздржаност, одговорност и засилен дипломатски ангажман за спречување на понатамошна ескалација и за зачувување на мирот и стабилноста во регионот.