Почина Самка Ибраимовски, долгогодишен лидер на Партијата за целосна еманципација на Ромите (ПЦЕР), поранешен пратеник во Собранието на Македонија и поранешен министер без ресор.
Веста за неговата смрт ја објави порталот „Рома Прес“, од каде што упатија сочувство и се простија од познатиот политички претставник на ромската заедница.
Ибраимовски долги години беше на челото на ПЦЕР и активен чинител на македонската политичка сцена.
Во текот на својата кариера, покрај министерската и пратеничката функција, извршуваше и директорски должности во јавниот сектор.
Неговиот ангажман беше препознатлив по борбата за застапување на интересите, правата и подобрување на положбата на Ромите во државата.
„Денес нè напушти човек кој остави свој белег во политиката“, се наведува во мислењето споделено во прошталната порака на „Рома Прес“.
Засега нема официјални информации и детали за причините за неговата смрт.