СВР Тетово поднесе кривична пријава против 53-годишен жител на селото Стримница, Општина Желино, поради сомнение за сторено кривично дело „напад врз службено лице при вршење работи на безбедноста“.
Според информациите од полицијата, на 24 јули 2026 година, на улицата „Маршал Тито“ во Тетово, пријавениот управувал патничко возило „мерцедес“, но не застанал и покрај наредбата од полициски службеник. Наместо тоа, продолжил да се движи и со возилото го удрил полицаецот додека тој извршувал службени дејствија.