Дванаесетгодишно момче утрово било двапати избодено во градите во својот дом во Санита, во близина на Неапол, Италија.
Според првичните резултати од истрагата на италијанските медиуми, момчето било повредено од својот татко, веројатно за време на жестока семејна расправија.
Откако го нападнал детето, таткото се обидел да си го одземе животот прободувајќи се во преdelот на грлото и лицето.
Во обид да го спаси својот син од нападот, повредена била и мајката на момчето, која се здобила со повреди на раката.
Според полициските информации, мажот наводно нападнал и медицинска сестра од брзата помош која пристигнала на местото на настанот за да му помогне на момчето.
Детето веднаш било пренесено во болницата „Векио Пелегрини“ со две убодни рани на левиот белодроб. На истото место е хоспитализиран и неговиот татко, а лекарите соопштуваат дека двајцата се наоѓаат во критична состојба.
Алармот за семејната драма го кренале соседите кои слушнале силни вресоци од куќата, по што исплашени веднаш повикале брза помош.
Локалната полиција веднаш започнала детална истрага за целосно расчистување на оваа тешка несреќа.