Бугарско-француската актерка Наталија Дончева починала на 56-годишна возраст. Веста ја соопшти нејзиниот агент Лоран Саври.
„Исклучително талентирана актерка и жена со голема чувствителност, Наталија Дончева ја освои публиката со прецизноста на своите изведби, елеганцијата и посветеноста кон својата професија“, се наведува во соопштението на нејзиниот агент.
Продуцентот додаде дека „по десетгодишна борба, конечно отиде да се одмори“.
Причината за нејзината смрт не е објавена.
Наталија е ќерка на познатиот бугарски актер Пламен Донечев.
На 19-годишна возраст се преселила во Франција, татковината на нејзината мајка Режин Маргерит. Во текот на кариерата остварила 20 театарски и повеќе од 50 филмски улоги.
Во Бугарија Дончева глумела во филмовите „Време за пат“, „Адио Рио“ и „Стаклената река“.
Нејзиниот посинок Југо Селинијак, филмски продуцент, ѝ оддаде почит преку Инстаграм.
„Ти благодарам што… му помогна на нашиот татко да стане подобар човек, но најмногу ти благодарам што се грижеше за него 25 години, што му се восхитуваше, го поддржуваше, му простуваше и пред сè, што го сакаше страсно“, напиша Југо Селинијак, кој е син на режисерот Арно Селинијак.