Свечената заклетва на питомците од 30. класа на Воената академија „Генерал Михаило Апостолски“ ќе се одржи денеска во 11 часот во касарната „Гоце Делчев“ во Скопје.
На свеченоста ќе се обратат министерот за одбрана Владо Мисајловски и деканот на Воената академија, полковник Ненад Танески.
Меѓу присутните ќе бидат и началникот на Генералштабот на Армијата, генерал-мајор Сашко Лафчиски, генерали, претставници на воено-дипломатскиот кор, Министерството за одбрана и Армијата, како и членови на семејствата и пријатели на питомците.