Во касарната „Боро Менков“ во Куманово денеска ќе се одржи церемонија по повод затворањето на Командата на Бригадата на Југоисточна Европа (SEEBRIG) во Северна Македонија.
На свеченоста ќе се обратат министерот за одбрана Владо Мисајловски, а ќе присуствува и началникот на Генералштабот на Армијата, генерал-мајор Сашко Лафчиски.
Командата на SEEBRIG ја менува својата локација на ротациона основа. Согласно одлуката донесена од министрите за одбрана на земјите-членки на Иницијативата за соработка во Југоисточна Европа (СЕДМ) на состанокот во Рим во 2016 година, Командата беше сместена во Куманово во периодот од 2020 до 2026 година.