Во сообраќајна незгода што се случила на 30 мај 2026 година во 14:10 часот, кај месноста „Сеферов бунар“ на магистралниот пат Кичево–Гостивар, учествувале четири возила.
Според информациите, се судриле товарно возило „Фолксваген кеди“ со кичевски регистарски ознаки, управувано од 62-годишниот Ф.К. од село Грешница, товарно возило „Сканија“ со албански регистарски ознаки, управувано од 60-годишниот А.С. од Делисуфај, Република Албанија, патничко возило „БМВ“ со унгарски национални ознаки, управувано од 45-годишната В.К. од Будимпешта, како и патничко возило „Фиат“ со српски национални ознаки, управувано од 32-годишната М.Г. од Ниш.
Во несреќата, со тешки телесни повреди се здобил возачот на „Фолксваген кеди“, кој поради сериозноста на повредите бил пренесен во Ургентниот центар „Мајка Тереза“ во Скопје.