Жител на Гостивар на возраст од 27 години е тешко повреден по пад од четирицикл на шумски пат помеѓу селата Речане и Дуф. Несреќата била пријавена вчера околу 14 часот, откако лицето со тешки телесни повреди било пренесено во Ургентниот центар во Гостивар.
Од СВР Тетово потврдија дека возачот не поседувал соодветна документација за управување со возилото.
„Во ОВР Гостивар е пријавено дека кај нив е донесено повредено лице по пад од возило. По извршените проверки утврдено е дека се работи за Е.К.(27) од Гостивар. Имено тој, управувајќи четирицикл без регистарски ознаки и без возачка дозвола на шумски пат помеѓу селата Речане и Дуф, изгубил контрола и паднал при што се здобил со тешки телесни повреди“, информира портпаролот на СВР Тетово, Фатмир Реџепи.
На местото на настанот полициска екипа извршила увид, а за случајот е известен и јавен обвинител кој треба да ги утврди причините што довеле до несреќата.