Во Стопанската комора денеска ќе се одржи работен состанок за промоција на мерката „Поддршка за креирање нови работни места“ – подмерката „Вработување и раст на правни субјекти“, која е дел од Оперативниот план за вработување за 2026 година.
На состанокот ќе присуствуваат заменик-министерот за економија и труд Марјан Ристески, како и претставници од Министерството за економија и труд, Стопанската комора, Стопанската комора на Северозападна Македонија и Сојузот на стопански комори на Македонија.
Според најавата на Стопанската комора, во фокусот на разговорите ќе бидат можностите што мерката им ги нуди на компаниите за отворање нови работни места, како и за поттикнување на растот и развојот на микро, малите и средните претпријатија.