Денес 27.03.2025 година се оддржа седница на Локалниот совет за превенција на општина Гази Баба.
На седницата, градоначалникот Бобан Стефковски ги информираше за превземените активности од страна на општина Гази Баба за вонреден инспекциски надзор над угостителските објекти и станбените згради на територија на општина Гази Баба, при што истакна дека ги уверува граѓаните дека општината ќе превземеме се што е потребно со цел да се заштити безбедноста на граѓаните!
Дополнително, Советот за превенција се информираше и за укажувањето до општинските основни училишта за исполнување на законските обврски од областа на Заштита и спасување.
Локалниот совет за превенција заклучи дека општинските основни училишта изминатиот период во соработка со надлежни институции, Црвениот крст и невладини организации вршеле континуирани активности за едукација на учениците за справување со ризици.
Советот за превенција на општина Гази Баба едногласно ги донесе следните заклучоци:
1. Локалниот совет за превенција на општина Гази Баба ја афирмира својата цврста заложба за обезбедување на услови за зачувување на безбедноста по здравјето на граѓаните на општина Гази Баба;
2. Локалниот совет за превенција на општина Гази Баба дава поддршка на реализацијата на сеопфатните превентивни активности и мерки од областа на Заштита и спасување кои ги превзема општина Гази Баба;
3. Локалниот совет за превенција на општина Гази Баба дава поддршка на секторот за инспекциски работи на општина Гази Баба за спроведување на вонреден инспекциски надзор со цел утврдување на фактичката состојба за исполнување на законските обврски на сите угостителски објекти и станбени згради на територија на општина Гази Баба.
4. Локалниот совет за превенција на општина Гази Баба го поддржува укажувањето доставено до општинските основни училишта, детски градинки и ЈКП Гази Баба за исполнување на законските обврски од областа на Заштита и спасување.
5. Локалниот совет за превенција на општина Гази Баба превзема обврска за реализација на едукативни активности во насока на едукација на граѓаните за постапување во услови на пожар или друга несреќа.
6. Локалниот совет за превенција на општина Гази Баба им препорачува на општинските основни училишта и детските градинки во следниот период да реализираат активности за едукација на учениците и дечињата за постапување во услови на пожар или друга несреќа. За исполнување на оваа препорака да се земе во предвид Протоколот изработен од СВР Скопје, Одделение за превенција.
7. Локалниот совет за превенција на општина Гази Баба им препорачува на општинските основни училишта во соработка со Министерството за образование и наука да организираат едукативни активности со Комората на психолози и Црвениот крст за стручните служби во училиштата.
На седницата присуствуваа пратениците во Собранието на Република Македонија Жаклина Пешевска, Зоран Коцевски и Дијана Илиевска, претседателот на Советот на општина Гази Баба, членови на Советот на општина Гази Баба, директорите на општинските основни училишта и детски градинки, директорот на ЈКП Гази Баба, претставници на Македонската православна црква – Охридска архепископија, Министерството за Внатрешни работи, Министерство за образование и наука, Центар за социјални работи на град Скопје, Месните и Урбаните заедници и Општинската организација на Црвениот крст на Гази Баба.
Седницата започна со едноминутно молчење во знак на почит кон загинатите во несреќата која се случи во Кочани