Марева Грабовски Мицотакис, сопругата на грчкиот премиер Киријакос Мицотакис, доживеала несреќа за време на престојот во Италија изминатиот викенд. Инцидентот се случил додека парот присуствувал на свеченото отворање на Зимските олимписки игри во Милано.
Според официјалните информации, Грабовски Мицотакис претрпела повреди на двете раце, по што била итно пренесена во Атина и оперирана во болницата КАТ. Операцијата ја извршил врвниот специјалист д-р Емануил Фандридис. Премиерот Мицотакис цело време бил во придружба на својата сопруга, која во моментов е во добра здравствена состојба и успешно се опоравува.