На патниот правец Куманово – Скопје, кај клучката Хиподром, воведена е девијација поради сообраќајна незгода, соопшти Авто-мото сојузот на Македонија. Сообраќајот на останатите државни патишта се одвива во зимски услови, по претежно влажни коловози.
Особено внимание е потребно поради намалена видливост од магла. На планинскиот премин Плетвар видливоста е до 100 метри, на Стража до 80 метри, додека во Крушево е најкритично со видливост до само 30 метри. На Попова Шапка се бележат слаби врнежи од снег кои не се задржуваат на патот.
Прекин на сообраќајот денеска ќе има на патот Скопје – Македонски Брод преку „Јасен“ во следните термини:
- Македонски Брод – Скопје: од 10:30 до 11:00 часот.
- Скопје – Македонски Брод: од 12:00 до 12:45 часот.
Од АМСМ апелираат до возачите:
„АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони.“
Посебно внимание се препорачува на делниците Катланово – Велес, Маврово – Дебар – Струга, Виница – Берово и Кочани – Делчево. Интензитетот