Собраниската Комисија за финансирање и буџет денеска ќе го разгледува Предлог-законот за изменување и дополнување на Законот за приватизација и закуп на градежно земјиште во државна сопственост, во второ читање.
На дневниот ред на седницата се и два предлог-закона во прво читање: измените и дополнувањата на Законот за Фондот за осигурување на депозити, како и Предлог-законот за семејна и станбена поддршка.
Седница денеска ќе одржи и собраниската Комисија за одбрана и безбедност. Членовите на оваа комисија ќе расправаат за Предлог-законот за престанување на важењето на Законот за координација на безбедносно-разузнавачката заедница во Република Северна Македонија, во прво читање.