Изградбата на автопатот Требениште–Ќафасан не е доведена во прашање, а во соработка со УНЕСКО ќе се утврди неговата траса, изјави министерот за транспорт Александар Николоски.
Според него, од УНЕСКО укажуваат дека предложената траса е проблематична, но конечниот став се очекува да биде познат кон крајот на јуни или почетокот на јули.
-Ние ќе се бориме да ја одбраниме трасата и велиме дека е добра. И на крај ќе пресечеме крај на јуни, почеток на јули. Ако нашите аргументи победат, ќе градиме по таа траса. Ако нашите аргументи не победат, ќе градиме по траса која што е малку подолу. Но, повторувам, не е прашањето дали, прашањето е по која траса ќе го гардиме автопатот Требениште – Ќафасан – нагласува вицепремиерот Николоски во поткастот “Риштази”.