Триесет и деветгодишен скопјанец бил приведен откако неговата сопруга пријавила дека ја физички нападнал, ѝ се заканувал и ја избркал од семејниот дом во Гази Баба.
Според информациите од полицијата, инцидентот се случил на 31 октомври околу 17:30 часот. По пријавата, полициски службеници од Единицата за насилен криминал при СВР Скопје го лишиле од слобода М.М. (39) во 21:55 часот, во Полициската станица Кисела Вода.
Жената пријавила дека во изминатите години била изложена на психичко и физичко малтретирање од страна на сопругот.
Од полицијата информираат дека по целосно документирање на случајот ќе следува соодветна пријава.